Antwort

Ich hân geflohen einen stranc,
swer mir den loeset, dem wil ichz iemer wizzen danc,
mit meisterschaft wil ich in zuo mir setzen.
wirt ein vaden von im versniten,
wizzet daz kumt niht von meisterlîchen siten;
sô wil ich in an rehten kunsten letzen,
er sol mir billîch siges iehen, ob er mirz nicht erloeset,
sô wil ich im sagen "mat",
daz ez die vürsten hoerent hie an diser stat,
daz mîn kunst ob der sîner ist geroeset.